 |
O CL Pintor de Castinande elixe para o mes de marzo unha obra do escritor austríaco STEFAN ZWEIG, e que leva por título "Momentos estelares de la humanidad . Catorce miniaturas históricas "
|
Baixo este título, o autor realiza unha estupenda miniatura histórica e literaria. de 14 acontecementos que Zweig elixe como representativos na historia da humanidade :
Cicerón ; a conquista de Bizancio ; o descubrimento do Océano Pacífico ; Händel ; a composición da "Marsellesa " ; Waterloo ; Goethe ; Suter ; Dostoiesvski ; Cyrus W. Field ; Tolstói ; o capitán Scott ; a viaxe de Lenin a Rusia en 1917 ; e por último, para rematar cunha historia do presidente americano Wilson.
O AUTOR :
Nacido en Viena en 1881, Stefan Zweig foi poeta, tradutor, editor, pacifista, humanista e europeo. Emigrou a Suíza durante a primeira guerra mundial, de 1917 a 1918, e foi un dos autores máis traducidos antes da Segunda Guerra Mundial. En 1934 emigra a Londres, en 1941 exíliase a Brasil onde, a súa frustración ante o que consideraba o fracaso da cultura europea empuxárono á desesperación, suicidándose xunto coa súa segunda esposa Lotte(Charlotte Elisabeth Altman) en Petrópolis, o 23 de febreiro de 1942.
Zweig escribiu novelas, historias curtas, ensaios (políticos ou literarios), dramas e varias biografías, das cales a máis famosa é a de María Estuardo . Nalgún momento, os seus traballos foron publicados nos países anglosaxóns baixo o pseudónimo de “Stephen Branch” (tradución literal do seu apelido), en tempos onde o sentimento antixermánico estaba no seu apoxeo.
Comentarios
Publicar un comentario