PRESENTACIÓN DO LIBRO : CONVERSAS CON MANUEL MARÍA de XOSÉ MANUEL DEL CAÑO na Biblioteca ás 19:00h. En palabras do propio autor : "un libro que nos achega en primeira persoa a voz do poeta da Terra Chá, o paso pola súa infancia e a chegada á madurez, as reflexións que o propio autor fai sobre a súa obra e sobre a súa época, desde o punto de vista social, cultural e tamén político”. A voz de Manuel María tamén se incorpora a esta edición a través dun CD no que o autor fala en cinco cortes das viaxes, de Uxío Novoneya, de Saleta, de Bernardino Graña e da Nova Canción Galega. A música completa o disco coas pezas “Cantiga de cego de Manuel María”, de Xosé Lois Foxo interpretada pola Real Banda de Gaitas da Deputación de Ourense; “O meu idioma”, de María Manuela, “O cuco”, de Suso Vaamonde, “O mar enrola na area”, de María do Ceo, e “O Camaleón” de Vicente Araguas.