viernes, 23 de junio de 2017

HORARIO DE VERÁN

Dende o luns  26 de  XUÑO
E durante os meses de  XULLO e AGOSTO
O horario  da  BIBLIOTECA será  :

 de  9:00 a 14:00  h. de LUNS a  VENRES .

RECOMENDACIÓNS LECTORAS



O colectivo LEMOS LE propón de novo unha serie de lecturas para este verán

Son libros, películas,  música... propostas variadas para intereses diversos e pensando en todos as idades.

 Será por libros!!



jueves, 15 de junio de 2017

Mañá na biblioteca : A TITIRICLETA




ANXO MOURE , O CARBALLO CON BOTAS 


PRESENTA : 

A TITIRICLETA do TITIRICLETEIRO chega á biblioteca, pilotada por un grupo de monicreques solidarios chegados de Bangladesh, a India, Guatemala... Levará as nenas e os nenos de viaxe a mundos fantásticos, na procura da paz.




                                                     ⤋⤋⤋⤋⤋⤋⤋⤋⤋⤋⤋⤋⤋⤋⤋⤋⤋⤋⤋



Programa de animación á lectura 
"Merendas con contos"

Venres 16 de xuño ás 18:00h.

Biblioteca Pública do Concello de Sober





miércoles, 14 de junio de 2017

EL DESORDEN QUE DEJAS, de Carlos Montero



O escritor Carlos Montero gañou o XX Premio Primavera de Novela pola súa obra EL DESORDEN QUE DEJAS, un intenso thriller psicolóxico en primeira persoa ambientado nun pobo chamado Novariz e que ten como protagonista a unha profesora de instituto.

Esta foi a proposta do club de lectura da biblioteca de Sober nas últimas semanas. 

Nas páxinas desta novela coñecemos a historia de Raquel, a profesora sustituta de literatura, no instituto de Novariz, un  pobo do que tamén procede o seu marido. Xa no primeiro día de traballo decátase de que Elvira, a súa predecesora,  suicidouse e ao finalizar as clases atopa no seu bolso unha nota cunha funesta pregunta: "E ti canto vas tardar en matarte?".

Raquel tentará pescudar quen está detrás desa ameaza, e obsesionarase co que lle ocorreu á antiga profesora. O suspense será un compoñente fundamental desta historia, que trancurre áxil e entretida , cuns  personaxes verosímiles e próximos, e na que se mesturan intereses e turbios segredos. 
Unha historia ambientada nun pobo galego chea de mentiras e de moitos segredos. 




O autor : 

Carlos Montero, nunha imaxe de arquivo.   EFE

Escritor e guionista galego nado en Celanova en 1972. Licenciado en Ciencias da Información , traballa como guionista para televisión e cine. 
"El desorden que dejas" é a súa segunda novela. 




sábado, 10 de junio de 2017

BANDA DESEÑADA GALEGA






Xulio Carballo Dopico presentou a súa proposta : LER A NOSA BD! :  Unha viaxe polas obras e autores da Banda Deseñada Galega. Foi na biblioteca de Sober o mércores 7 de xuño ás 19:00.

O público asistente , formado polos integrantes do noso club de lectura, "Pintor de Castinande",  asistiu moi interesado as explicacións que Xulio C. Dopico nos deu, facendo un percorrido histórico polo cómic galego. 
Apoiado por imaxes, e coa súa boa disertación, as persoas asistentes quedaron moi satisfeitas deste encontro. Nel aprendemos moitas cousas dos nosos ilustradores, grandes debuxantes recoñecidos a nivel nacional e tamén internacional.

→→→→→→→→→→→→→→→→→→↓

Na biblioteca de Sober existe  unha boa colección de cómic de diferentes estilos e nacionalidades. 
Podes atopalos na biblioteca có rótulo BD listos para o préstamo.


martes, 6 de junio de 2017

LER A NOSA BD no Club de lectura






 XULIO CARBALLO DOPICO  

Estará na biblioteca de Sober onde falará  sobre a historia dos ilustradores galegos:


"hai máis de corenta anos un grupo de mozos decidiron que a arte podía facerse a través da unión de imaxes e do uso da nosa lingua. Ao igual que en moitas das súas obras, faremos unha viaxe polo tempo e polos mundos que os nosos autores crearon"


Mércores 7 de xuño ás 19:00h.