jueves, 19 de abril de 2018

Mañá na biblioteca : MÚSICA E TEATRO



As actividades que a biblioteca de Sober propón no  Programa Merendas con contos, para o mes de abril , MES DOS LIBROS , conta para o venres día 20 coa colaboración  das escolas municipais de MÚSICA E TEATRO. 


 Na primeira parte desta tarde  teremos un concerto de solistas . Son alumnos e alumnas da Escola Municipal de Música de Sober. 



Como remate, unha homenaxe a W. Shakespeare 


A Escola Municipal de Teatro de Sober participa nas actividades
 programadas para o DÍA DO LIBRO 2018


  VENRES 20 DE ABRIL, NO CENTRO SOCIOCULTURAL

 A PARTIR DAS 18:00H. 



sábado, 7 de abril de 2018

Novidades infantil-xuvenil


No mes dos libros (ABRIL) deste ano 2018 na biblioteca de Sober imos  coñecer a figura e o traballo de W. Shakespeare con novidades no catálogo que achegan os autores clásicos aos máis pequenos e  tamén a mocidade. 


jueves, 5 de abril de 2018

Merendas con contos en abril

O venres 6 de abril comezan as ACTIVIDADES  DE ANIMACIÓN Á LECTURA para os cativ@s, programadas para este mes ao que chamamos o MES DOS LIBROS
AGARDAMOS POR TODOS OS NENOS E AS NENAS 
OS VENRES NA BIBLIOTECA DE SOBER

Cada semana publicaremos a información detallada das actividades que imos a realizar durante este mes DOS LIBROS

Madama Crisantemo, de Pierre Loti



Lectura programada para as vacacións de Semana Santa e que o CL Pintor de Castinande comentou na última reunión do día 4 de abril. 


Madama Crisantemo, de Pierre Loti, narra en forma de diario os tres meses  que estivo  en Nagasaki  este oficial de mariña e tamén novelista.

 Durante o verán de 1885 Loti permanece nesta cidade xaponesa  mentras reparan a goleta na que navega polo mundo. 

Chega ata  Xapón có soño de casar cunha moza que lle serva de distracción durante a súa estancia en terra. Eran matrimonios mais ou menos legais, consentidos polas autoridades. Pactaban coas familias e "alugaban" a mozas que as veces eran case nenas, e cando marchaban deixábanas sen remordemento ningún. 

A editorial Ediciones del Viento recolle obras de autores que trancorren en lugares exóticos. No CL Pintor de Castinande temos lido xa varias obras publicadas por esta editorial  e destacamos : 
"Diario de un fiscal rural", ambientada en Exipto ; "El país de las sombras largas", sobre a vida dos innuits ; "Orient Express", na que John Dos Passos relata a súa viaxe neste mítico tren dende París ata Damasco. 


sábado, 31 de marzo de 2018

DÍA DO LIBRO INFANTIL

Como todos os anos dende 1967, o IBBY ( International Board on Books for Young People ) promove a celebración do DÍA INTERNACIONAL DO LIBRO INFANTIL 2 de abril, conmemorando o nacemento de Hans Christian Andersen.

A OEPLI e GÁLIX  en colaboración co Ministerio de Educación, Cultura e Deporte promoven a celebración deste día e convocan este certame : 

"Un conto de H. C. Andersen en banda deseñada"

Poden participar todos os lectores  que estean a cursar Primaria ou primeiro ciclo de Secundaria, a través do seu centro docente ou dende a nosa biblioteca. Tan só hai que escoller un libro de Hans Christian Andersen e debuxalo en forma de viñetas.
Nestas BASES podedes consultar todos os requisitos. Os traballos deberán presentarse na Biblioteca de Sober antes do día 21 de abril .





miércoles, 28 de marzo de 2018

La flor púrpura, de CHIMAMANDA NGOZI ADICHIE

Kambili, é a protagonista e narradora desta novela. Ten quince anos, e co seu irmán maior Jaja levan unha vida privilexiada na cidade de Enugu.
Viven nunha fermosa casa e frecuentan un elitista colexio relixioso, pero a súa vida familiar dista moito de ser harmoniosa.
O seu pai, un poderoso e respectado home de negocios, é un fanático católico que alenta expectativas imposibles de cumprir.
Cando os mozos visitan durante uns días á cariñosa e atrevida tía Ifeoma no seu humilde apartamento, descobren un mundo totalmente novo: o rico cheiro a curry que alaga o lugar, as continuas risas dos seus curmáns, as flores exuberantes, a calidez, o respecto ás ideas, a liberdade, o amor e a ausencia de castigos.

Ao regresar ao seu fogar, transformados pola liberdade conquistada, a tensión familiar crece de forma alarmante.


Estupenda historia para a primeira novela da escritora nigeriana CHIMAMANDA NGOZI ADICHIE. Un libro ben e coidadosamente escrito , que "atrapou" aos integrantes do CL da biblioteca de Sober durante este mes de marzo.



viernes, 23 de marzo de 2018

XXVIII FEIRA DO VIÑO DE AMANDI

Os días 24 e 25 de marzo celébrase unha nova edición da
 Feira do Viño de Sober. 

Aquí tedes o programa de actos para este ano.